लाल किल्ल्याजवळ झालेल्या बाँबस्फोटासाठी आतंकवाद्यांनी ‘यू ट्यूब’ आणि ‘चॅट जीपीटी’ यांचा केला होता वापर !

नवी देहली – येथील लाल किल्ल्याजवळ गेल्या वर्षी झालेल्या बाँबस्फोटाच्या प्रकरणात राष्ट्रीय अन्वेषण यंत्रणेने ७ सहस्र ५०० पानांचे आरोपपत्र प्रविष्ट केले आहे. यानुसार आतंकवादी संघटना ‘अल-कायदा’शी संबंधित आतंकवाद्यांनी घातपातासाठी चॅट जीपीटी आणि यू ट्यूब या संकेतस्थळांचा वापर केल्याचे सांगण्यात आले आहे. आतंकवाद्यांनी ‘रॉकेट कसे बनवायचे आणि मिश्रण कोणत्या प्रमाणात असावे ?’, असे प्रश्न विचारून माहिती शोधली होती. या बाँबस्फोटात ११ लोकांचा मृत्यू झाला होता आणि अनेक जण घायाळ झाले होते.

संयुक्त राष्ट्रांच्या सुरक्षा परिषदेच्या एका अहवालात दावा करण्यात आला आहे की, लाल किल्ल्याजवळ झालेल्या स्फोटाचे दायित्व जैश-ए-महंमदने घेतले आहे.