Mumbai Missionaries Conversion Racket : हिंदूंची फसवणूक करणार्‍या ७ ख्रिस्ती धर्मप्रचारकांना मुंबईत अटक !

मुंबई – डोक्यावर हात ठेवून ‘दुर्धर व्याधी येशू ठीक करील’, असे सांगून हिंदूंची फसवणूक करणार्‍या ७ ख्रिस्ती धर्मप्रचारकांना अटक केली असून त्यांच्या विरोधात मालाड पोलीस ठाण्यात ‘महाराष्ट्र नरबळी आणि अन्य अमानुष अनिष्ट अन् अघोरी प्रथा आणि जादूटोणा प्रतिबंधक कायदा’ अंतर्गत गुन्हा नोंदवण्यात आला आहे. रमेश गुप्ता, उषा गुप्ता, अमन दुबे, मुकेश यादव अशी ख्रिस्ती धर्मप्रचारकांची नावे आहेत. (बाटून ख्रिस्ती झाल्यावर स्वतःची हिंदु नावे तशीच ठेवणारे कावेबाज बाटगे ख्रिस्ती ! – संपादक) ३ महिला अज्ञात आहेत.

 १. सांताक्रूझ (पूर्व) येथील आशा उपाध्याय (वय ४५ वर्षे) यांनी या प्रकरणी मालाड पोलीस ठाण्यात तक्रार प्रविष्ट केली होती. त्या गृहिणी असून मागील ७ वर्षांपासून त्यांना ‘थायरॉईड’ आणि ‘उच्च रक्तदाब’ यांचा त्रास आहे.

२. त्यांच्या संपर्कातील उषा गुप्ता नावाच्या महिलेने ३ अनोळखी महिलांसह ८ मे या दिवशी आशा यांच्या घरी येऊन ‘येशूच्या प्रार्थनेने सर्व व्याधी ठीक होतील’, असे सांगून प्रत्येक रविवारी मालाड (पश्चिम) येथील एका शाळेत होणार्‍या प्रार्थनासभेला येण्यास सांगितले.

३. आशा उपाध्याय यांनी हा प्रकार मुलाला सांगितल्यावर तो त्यांना १० मे या दिवशी मालाडमधील शाळेत घेऊन गेला. तेथे रमेश गुप्ता हा लोकांच्या डोक्यावर हात ठेवून व्याधी ठीक होत असल्याचे सांगत होता. ते पाहून फसवणूक आणि अंधश्रद्धा पसरवणे या प्रकारांच्या विरोधात मुलाने पोलिसांमध्ये तक्रार प्रविष्ट केली.