सनातन प्रभात > Post Type > बातम्या > राष्ट्रीय बातम्या > (म्हणे) ‘देवही मद्यपान करायचे !’ – Karnataka CM Siddaramaiah

(म्हणे) ‘देवही मद्यपान करायचे !’ – Karnataka CM Siddaramaiah

  • काँग्रेसशासित कर्नाटकाचे मुख्यमंत्री सिद्धरामय्या यांचे धर्मद्रोही वक्तव्य

  • मंत्र्यांच्या मद्यपानाला विरोध नसल्याचेही निलाजरे वक्तव्य

कर्नाटकाचे मुख्यमंत्री सिद्धरामय्या

बेंगळुरू (कर्नाटक) – ‘आजकाल बहुतांश लोक मद्यपान करतात. माझ्या मंत्रीमंडळातील मंत्रीही दारू पितात. वैयक्तिकरित्या माझा मद्यपानाला विरोध नाही’, असे वक्तव्य कर्नाटकाचे मुख्यमंत्री सिद्धरामय्या यांनी येथे एका कार्यक्रमात बोलतांना केले. मुख्यमंत्री पुढे म्हणाले, ‘‘मद्यपान हा केवळ एक छंद असावा; परंतु ते माणसाचे नियंत्रण हिरावून घेणारे व्यसन बनू नये. (छंद म्हणून चालू केलेल्या मद्यपानाचे व्यसनात कधी रूपांतर होते, हे कळत नाही. त्यामुळे राज्यकर्त्यांनी असे आत्मघातकी सल्ले देणे योग्य नव्हे ! – संपादक) पुराणातही देवांनी मद्यपान केल्याचे उल्लेख आहेत.’’

या वेळी जुन्या आठवणींना उजाळा देत त्यांनी एकदा संसदेत झालेल्या चर्चेची आठवण करून दिली. ‘खेड्यापाड्यांतून शहरात दुधाचा पुरवठा होतो; मात्र शहरातून खेड्यापाड्यांत व्हिस्की, ब्रँडी यांसारखी दारू पाठवली जाते’, या तत्कालीन चर्चेचा संदर्भ देत त्यांनी ग्रामीण भागांतील मद्याच्या वाढत्या
प्रभावाविषयी अप्रसन्नता व्यक्त केली. (एकीकडे मद्याच्या वाढत्या प्रभावाविषयी चिंता व्यक्त करायची आणि दुसरीकडे मद्यपानाचे समर्थन करायचे, हा सिद्धरामय्या यांचा दुटप्पीपणा होय ! – संपादक)

संपादकीय भूमिका

  • कर्नाटकातील कोट्यवधी हिंदूंच्या मतांवर निवडून येणार्‍या सिद्धरामय्या यांचे असे विधान करण्याचे धाडस होते, हे कर्नाटकातील समस्त हिंदूंना लज्जास्पद !
  • हिंदूंना सिद्धरामय्या यांचे हे विधान मान्य आहे का ?
  • हिंदूंनी अशा प्रवृत्तींविरुद्ध संघटित होऊन त्यांना हिंदूंची क्षमा मागण्यास भाग पाडले पाहिजे !

नूतन लेख