Hantavirus : हंता विषाणूच्या संक्रमणामुळे जगभरात चिंता !

जिनिव्हा (स्वित्झर्लंड) – कोरोना महामारीनंतर जगभरात हंता विषाणूविषयी चिंता वाढू लागली आहे. हा विषाणू उंदरांकडून माणसांमध्ये संक्रमित होतो. जगभरात आतापर्यंत याचे ८ संशयित रुग्ण आढळले आहेत. त्यांपैकी ५ जणांमध्ये याची पुष्टी झाली आहे. यात ३ रुग्णांचा मृत्यू झाला आहे. मागील वर्षी या विषाणूमुळ २८ लोक मृत्यूमुखी पडले होते.

⚠️ Global concern rises over Hantavirus infection after the Corona pandemic

🦠 8 suspected cases reported worldwide; 5 confirmed, 3 deaths

🐀 Virus spreads from rats to humans

🚢 Outbreak linked to MV Hondius cruise ship heading to Spain

🌍 WHO issues alert to 12 countries,… pic.twitter.com/cws4RI7PlN

— Sanatan Prabhat (@SanatanPrabhat) May 8, 2026

१. जागतिक आरोग्य संघटनेचे महासंचालक टेड्रोस एडनोम घेब्रेसस यांनी सांगितले की, ज्या ‘एम्.व्ही. होंडियस लक्झरी नौके’मधील प्रवाशांना या विषाणूची लागण झाली आहे, ती नौका सध्या आफ्रिका खंडातील केप वर्दे या देशात थांबल्यानंतर स्पेनच्या कॅनरी बेटाच्या दिशेने जात आहे.

२. स्पेनच्या आरोग्य मंत्रालयाने नौकेला थांबण्याची अनुमती दिली आहे. नौका ९ मे या दिवशी स्पेनच्या बंदरात पोचेल. यात उपस्थित ११० प्रवासी आणि कर्मचारी यांची सविस्तर पडताळणी होईल. नौकेलाला संसर्गमुक्त केले जाईल.

३. जागतिक आरोग्य संघटनेने दिलेल्या माहितीनुसार अमेरिका आणि कॅनडा या देशांसह १२ देशांना सतर्कतेची चेतावणी देण्यात आली आहे. या दोन्ही देशांचे ८० प्रवासी त्या नौकेत होते. २४-२५ एप्रिलला या नौकेतील प्रवासी त्या देशात परतले होते.

४. या नौकेमध्ये २ कर्मचारी भारतीय आहेत. त्यामुळे भारताचीही चिंता वाढली आहे.