Indigo Flight Blast : विमानात ‘पॉवर बँक’चा स्फोट : ५ जण घायाळ

(पॉवर बँक म्हणजे विद्युत् पुरवठा उपलब्ध नसतांना उपकरणे भारित करण्यासाठी वापरले जाणारे उपकरण)

भाग्यनगर (तेलंगाणा) – भाग्यनगर येथून चंडीगडला जाणार्‍या इंडिगोच्या ‘६ई-१०८’ या उड्डाणात एका प्रवाशाच्या बॅगेतील ‘पॉवर बँक’चा स्फोट झाला. या घटनेत ५ प्रवासी घायाळ झाले. ही घटना विमान विमानतळावर उभे असतांनाच घडली. स्फोटानंतर केबिनमध्ये धूर पसरला. त्यानंतर आपत्कालीन दरवाजातून सर्व प्रवाशांना बाहेर काढण्यात आले. विमानातील कर्मचार्‍यांनी तात्काळ अग्नीसुरक्षा उपकरणांचा वापर करून परिस्थिती नियंत्रणात आणली. पोलीस आणि विमानतळ प्राधिकरण यांच्याकडून या घटनेची चौकशी चालू आहे.