७३ कारवायांमध्ये उच्चपदस्थ भ्रष्टाचारी अधिकार्‍यांना अटक !

नागपूर – शासकीय यंत्रणेत बोकाळलेल्या भ्रष्टाचाराच्या विरोधात नागपूर लाचलुचपत प्रतिबंधक विभागाने ‘झिरो टॉलरन्स’ (शून्य सहनशीलता) धोरण राबवत विभागाने वर्ष २०२५ आणि २०२६ या कालावधीत ७३ यशस्वी कारवाया केल्या. या कारवाईमध्ये अनेक उच्चपदस्थ भ्रष्टाचारी अधिकार्‍यांना अटक करण्यात आली आहे.

महसूल, पोलीस, ग्रामविकास, वन, शिक्षण, आरोग्य आणि सहकार, सार्वजनिक आरोग्य, जिल्हा परिषद, नगरविकास, पंचायत समिती, आदिवासी विकास, नोंदणी, भूमी अभिलेख, विक्रीकर यांसारख्या जवळपास सर्वच प्रमुख शासकीय विभागांमध्ये भ्रष्टाचारविरोधी मोहीम राबवली आहे. यामुळे भ्रष्टाचाराचे मोठे जाळे उघडकीस आले असून शासकीय कार्यालयांमधील लाचखोरीला काही प्रमाणात चाप बसला आहे.