पुणे येथे लाभाचे आमीष दाखवून २ कोटी रुपयांची फसवणूक !

पुणे – शेअर बाजारात गुंतवणूक केल्यास अधिक लाभ मिळतो, असे आमीष दाखवून ३७ वर्षीय संगणक अभियंता तरुणीची २ कोटी ३० लाख रुपयांची आर्थिक फसवणूक केली. या प्रकरणी सायबर पोलीस ठाण्यात तक्रार प्रविष्ट केली आहे. (सायबर गुन्ह्यांचे भयावह स्वरूप पहाता याविषयी कठोर कारवाई करण्याची आवश्यकता आहे. – संपादक) जानेवारी महिन्यात तरुणीच्या सामाजिक माध्यमांच्या खात्यावर गुंतवणुकीचा संदेश आला होता. त्याला भुलून तरुणीने वेळोवेळी रक्कम जमा केली. परतावा मागणी केली असता चोरांनी टाळाटाळ केली, तेव्हा स्वत:ची फसवणूक झाल्याचे लक्षात आल्यानंतर पोलिसांकडे तक्रार केली. दुसर्‍या तक्रारीमध्ये निवृत्त संगणक अभियंत्याची शेअर बाजारातील लाभाचे आमीष दाखवून ९९ लाख ९९ सहस्र रुपयांची फसवणूक केल्याचे समोर आले.