उच्च लोकातून पृथ्वीवर जन्माला आलेली दैवी (सात्त्विक) बालके म्हणजे पुढे हिंदु राष्ट्र (सनातन धर्म राज्य) चालवणारी पिढी ! कु. आर्या प्रशांत वैती ही या पिढीतील एक आहे !
वरळी, मुंबई येथील कु. आर्या प्रशांत वैती (वय १८ वर्षे) हिची तिच्या वडिलांच्या लक्षात आलेली गुणवैशिष्ट्ये पुढे दिली आहेत.
(‘वर्ष २०२६ मध्ये कु. आर्या प्रशांत वैती (वय १८ वर्षे) हिची आध्यात्मिक पातळी ५२ टक्के आहे.’ – संकलक)
‘सनातनमध्ये आलेल्या दैवी बालकांमुळे ‘मी साधकांना तयार केले’, असा अहंभाव माझ्यात निर्माण झाला नाही.’पालकांनो, हे लक्षात घ्या !तुमच्या मुलात अशा तर्हेची वैशिष्ट्ये असली, तर ‘ते उच्च लोकातून पृथ्वीवर जन्माला आलेले आहे’, हे लक्षात घेऊन ते मायेत अडकणार नाही, उलट त्याच्यावर साधनेला पोषक होतील, असे संस्कार करा. त्यामुळे त्याच्या जन्माचे कल्याण होईल आणि तुमचीही साधना होईल.’
१. समंजस
अ. ‘आर्या समंजस आहे. ती स्वतःपेक्षा इतरांचा विचार आधी करते.
आ. ती तिचे आई-वडील किंवा घरातील मोठ्या व्यक्ती यांनी सांगितलेले ऐकते आणि त्याप्रमाणे कृती करते.
२. राष्ट्र अन् धर्म यांच्या प्रती अभिमान
एकदा आर्याने तिच्या मैत्रिणींना ‘हलाल’ उत्पादनांच्या (इस्लामी नियमांनुसार अनुमती असलेली उत्पादने) विषयी माहिती दिली आणि तिला ‘हलाल’प्रणीत वस्तू घेण्यापासून रोखले. आर्या तिच्या मैत्रिणी आणि त्यांचे बहीण-भाऊ यांना राष्ट्र अन् धर्म यासंदर्भात सांगत असते.
३. साधनेची ओढ
अ. आर्या नेहमी प्रवासात नामजप करण्याचा प्रयत्न करते.
आ. ती पुष्कळ वेळा शिव किंवा सच्चिदानंद परब्रह्म डॉ. आठवले यांच्याशी सूक्ष्मातून बोलते. तिला संतांविषयी बोलण्यास आवडते. ती आम्हाला साधनेविषयी पुष्कळ प्रश्न विचारते आणि स्वतःच्या मनातील शंकाचे निरसन करून घेते.
४. आश्रमजीवनाची ओढ
अ. तिला आश्रमात जाण्याची ओढ आहे. ती मला अनेक वेळा ‘आश्रमात कधी जाऊया ?’, असे विचारते.
आ. सध्या ती १२ व्या इयत्तेत शिकत आहे आणि सनदी लेखापाल (चार्टर्ड अकाउंटंट) ‘फाऊंडेशन’ परीक्षेची (उच्च शिक्षण घेण्यासाठी द्यावी लागणारी प्रारंभिक परीक्षा) सिद्धता करत आहे. तिला शिक्षण झाल्यावर आश्रमात राहून सेवा करायची आहे.
५. ‘कोणतेही संकट आले, तरी त्यातून श्री गुरु बाहेर काढतीलच’, अशी तिची श्रद्धा आहे.
६. अनुभूती : आर्याला कधी कधी स्वप्नात सच्चिदानंद परब्रह्म डॉ. आठवले यांचे दर्शन होते.’
– श्री. प्रशांत वैती (कु. आर्याचे वडील), वरळी, मुंबई. (८.१.२०२६)
उतारवयात आश्रमजीवन सहजतेने स्वीकारणार्या आणि गुरुदेवांप्रती भाव असलेल्या रामनाथी (गोवा) येथील सनातनच्या आश्रमातील ६३ टक्के आध्यात्मिक पातळीच्या श्रीमती सुनंदा शरदचंद्र सामंतआजी (वय ८९ वर्षे) !
शांत, स्थिर आणि सच्चिदानंद परब्रह्म डॉ. जयंत आठवले यांच्या अनुसंधानात असलेले अकलूज येथील श्री. विष्णु जाधव !
भावाच्या स्तरावर प्रयत्न करून भावानंद अनुभवणार्या ६५ टक्के आध्यात्मिक पातळीच्या सनातनच्या सूक्ष्म ज्ञानप्राप्तकर्त्या साधिका सुश्री मधुरा भोसले (वय ४३ वर्षे) !
इतरांचा विचार करणारे आणि सेवाभावी वृत्ती असलेले रामनाथी (गोवा) येथील सनातनच्या आश्रमातील श्री. प्रताप वंका !
मुलांवर साधनेचे संस्कार करणारे आणि शेवटपर्यंत देवाच्या अनुसंधानात असणारे बेळगाव येथील ६१ टक्के आध्यात्मिक पातळीचे कै. रामू गणपति मिसाळ (वय ६६ वर्षे) !