Mahfooz Khan Raipur : प्रियकर महफूज खान याच्या घरात प्रेयसी कविताचा मृतदेह गळफास घेतलेल्या अवस्थेत आढळला !

रायपूर (छत्तीसगड) – येथील संतोषी नगर भागात १९ एप्रिलला रात्री १९ वर्षीय कविता दास हिचा मृतदेह तिचा प्रियकर महफूज खान याच्या घरी संशयास्पद परिस्थितीत गळफास घेतलेल्या अवस्थेत आढळला. तरुणीच्या कुटुंबियांनी महफूज खान याच्यावर कविताचा छळ आणि हत्या केल्याचा आरोप केला आहे. घटनेचे गांभीर्य जाणून पोलिसांनी महफूज खान याला अटक केली असून त्याची चौकशी चालू आहे.

कविताने आत्महत्या केली असल्याचा पोलिसांचा तर्क कविताच्या कुटुंबियांना मान्य नाही. तिच्या कुटुंबाने ‘महफूज खान कवितावर वारंवार विवाहासाठी दबाव आणत होता, ज्यामुळे कविता प्रचंड मानसिक तणावाखाली होती. तो कविताला मारहाण करायचा आणि अशा घटना इन्स्टाग्रामवर थेट प्रक्षेपितही करायचा. यामुळे तिला मानसिक धक्का बसला होता’, अशी माहिती दिली आहे.