सनातन प्रभात > Post Type > बातम्या > आंतरराष्ट्रीय बातम्या > Germany Gurdwara : जर्मनी : गुरुद्वारातील दोन गटांत हाणामारी : ११ जण घायाळ

Germany Gurdwara : जर्मनी : गुरुद्वारातील दोन गटांत हाणामारी : ११ जण घायाळ


बर्लिन (जर्मनी) – मोर्स शहरातील ड्यूसबर्ग परिसरात असलेल्या गुरुद्वारात दोन गटांमध्ये अचानक हाणामारी झाली. या घटनेत किमान ११ जण घायाळ झाले. प्रत्यक्षदर्शींच्या माहितीनुसार या वेळी चाकू, कृपाण, पेपर स्प्रे आणि बंदूक यांचा वापर करण्यात आला. या हाणामारीचा व्हिडिओ सामाजिक माध्यमांत प्रसारित झाला आहे. पोलिसांच्या प्राथमिक अन्वेषणात हा वाद गुरुद्वाराच्या समितीच्या निवडणुका आणि निधी यांवरून झाल्याचे समोर आले आहे.

गुरुद्वारात धार्मिक कार्यक्रम चालू होण्यापूर्वीच दोन्ही गटांमध्ये वाद वाढला आणि तो हातघाईतून पुढे जाऊन हाणामारीत रूपांतरित झाला. या घटनेची माहिती मिळताच मोठा पोलीस बंदोबस्त घटनास्थळी पोचला. विशेष तांत्रिक पथकही तैनात करण्यात आले. घायाळ झालेल्यांवर घटनास्थळीच उपचार करण्यात आले. एका संशयिताला कह्यात घेण्यात आले असून नेमके कुणी कुणावर आक्रमण केले ? याचे अन्वेषण पोलीस करत आहेत.

नूतन लेख