सनातन प्रभात > Post Type > बातम्या > राष्ट्रीय बातम्या > Chahatt Khanna Gharvapsi : सर्व प्रकारचा छळ आणि हानी यानंतर अभिनेत्री चाहत खन्ना यांचा हिंदु धर्मात पुनर्प्रवेश !

Chahatt Khanna Gharvapsi : सर्व प्रकारचा छळ आणि हानी यानंतर अभिनेत्री चाहत खन्ना यांचा हिंदु धर्मात पुनर्प्रवेश !

अभिनेत्री चाहत खन्ना

मुंबई – अभिनेत्री चाहत खन्ना यांनी वर्ष २०२४ मध्ये दिलेल्या एका मुलाखतीत  धर्मांतर केल्याविषयी कोणताही पश्चाताप नसल्याचे म्हटले होते. आता त्या पुन्हा ‘सनातन’ धर्मात परतल्या आहेत. चाहत यांनी म्हटले आहे, ‘‘सुदैवाने जेव्हा मी पुन्हा माझ्या सनातन धर्माच्या मुळांकडे परतले, तेव्हा मला अनेक गोष्टींमागचे सत्य उमगले. ‘मी धर्मांतर करावे’, अशी अनेकांची इच्छा नव्हती; पण मला निकाह (विवाह) करायचा होता; म्हणून मी ते केले. मुसलमान पती फरहान मिर्झा याने माझा बुद्धीभेद केला होता. संशय घेणे, विविध आरोप करणे, मारहाण आणि अश्लील शिविगाळ, लैंगिक आणि मानसिक छळ, तसेच आर्थिक हानी याने मी त्रासले होते.’’ (धर्मांधांचे खरे स्वरूप जाणा ! – संपादक)

वर्ष २०१८ मध्ये चाहत खन्ना यांनी लैंगिक आणि मानसिक छळाचे कारण देत घटस्फोटासाठी अर्ज प्रविष्ट केला होता. चित्रीकरणाच्या वेळी तिचा पती यायचा आणि सहकलाकारासमवेतचे चित्रीकरण आक्षेपार्ह वाटून तो गोंधळ घालायचा. तिच्यावर पाळत ठेवली जायची. दोन्ही मुलींना समवेत घेऊन जाण्याची अनुमती नव्हती, असेही चाहत यांनी माध्यमांना सांगितले.

चाहत खन्ना यांनी म्हटले, ‘‘तुझ्या देवांची पूजा करू नकोस, ते योग्य नाही, असे मला सांगण्यात आले. आणि एका भरकटलेल्या मुलाप्रमाणे मी त्या मार्गावर चालत गेले; पण आता मी आनंदी आहे. पुष्कळ चांगल्या स्थितीत आहे. मी त्यातून शिकले. आता काय योग्य, काय अयोग्य, हे मला समजत आहे आणि मी आता अतिशय सजग आयुष्य जगत आहे. घटस्फोटानंतर मला माझ्या मूळ धर्मात परत येण्यासाठी बराच वेळ लागला.’’

संपादकीय भूमिका

हिंदूंनो, ‘लव्ह जिहाद’चे खरे स्वरूप आता तरी जाणा !

नूतन लेख