आरोपींचे राजकीय संबंध आहेत का ?, याचा शोध घ्या ! – सर्वोच्च न्यायालय

नवी देहली – बंगालमधील मालदा जिल्ह्यात १ एप्रिल या दिवशी विशेष सखोल पुनरावलोकन प्रक्रियेच्या वेळी ७ न्यायिक अधिकार्‍यांना घेराव घालून त्यांना ओलीस ठेवण्यात आले होते. या प्रकरणाची नोंद घेत सर्वोच्च न्यायालयाने या कृत्यामागे असलेल्या व्यक्तींचा राजकीय संबंध आहे का ?, याची माहिती मागितली आहे. न्यायालयाने म्हटले की, या प्रकरणाची सखोल चौकशी केली जाईल आणि ते तर्कसंगत निष्कर्षापर्यंत नेले जाईल.

यापूर्वी सर्वोच्च न्यायालयाने या प्रकरणाचे अन्वेषण राष्ट्रीय अन्वेषण यंत्रणेकडे दिले आहे. यंत्रणेच्या अंतरिम अहवालात अटक करण्यात आलेल्या व्यक्तींचा तपशील नमूद करण्यात आला असून पुढील टप्प्यात या प्रकरणामागील संभाव्य राजकीय संबंध उघड होण्यावर न्यायालयाचे लक्ष केंद्रित आहे.