Madhya Pradesh UCC : मध्यप्रदेशात दिवाळीपूर्वी समान नागरी कायदा लागू करण्याची सिद्धता

भोपाळ (मध्यप्रदेश) – मध्यप्रदेशातही समान नागरी कायदा करण्यासाठी मुख्यमंत्री डॉ. मोहन यादव यांनी मंत्रीमंडळाच्या बैठकीत मंत्र्यांना या कायद्याचा अभ्यास करण्यास सांगितले.

सूत्रांनुसार लवकरच राज्य स्तरावर एक उच्चस्तरीय समिती स्थापन केली जाईल. याच वर्षी दिवाळीपूर्वी राज्यात समान नागरी कायदा लागू केला जाऊ शकतो. देशात यापूर्वी उत्तराखंड आणि गुजरात या राज्यांनी समान नागरी कायदा लागू केला आहे, तसेच गोव्यामध्ये पोर्तुगिजांच्या काळापासून हा कायदा अस्तित्वात आहे.