पुणे येथे आरोपी ऋषीकेश वैद्य याला न्यायालयीन कोठडी !

पुणे – दैवी शक्तीचा संचार असल्याची बतावणी करून महिलेवर अत्याचार केल्याप्रकरणी ऋषीकेश वैद्य याला न्यायालयाने न्यायालयीन कोठडीत ठेवण्याचे आदेश दिले. वैद्य याच्या पोलीस कोठडीची मुदत संपल्यानंतर त्याला लष्कर न्यायालयात उपस्थित केले. न्यायालयाच्या आदेशानुसार वैद्य यांची येरवडा कारागृहात पाठवणी केली.

वैद्य यांच्या विरोधात एका महिलेने वसईतील माणिकपूर पोलीस ठाण्यात तक्रार प्रविष्ट केली आहे. संबंधित तक्रार पुण्यातील मांजरी पोलीस ठाण्यात पुढील अन्वेषणासाठी सोपवण्यात आल्यानंतर पोलिसांनी वैद्य याला अटक केली होती.

पोलिसांकडून पुढील अन्वेषणासाठी अजून पोलीस कोठडी हवी असल्याचा युक्तीवाद सरकारी अधिवक्ता आणि अन्वेषण अधिकार्‍यांनी केला. त्याला वैद्य यांच्याकडून अधिवक्ता साजिद शहा, दिगंबर देसाई आणि पवन कुलकर्णी यांनी विरोध केला.