Chandigarh Grenade Attack : चंडीगडमधील भाजप कार्यालयावर फेकलेल्या ग्रेनेडच्या प्रकरणी २ जणांना अटक

चंडीगड  – येथील भाजपच्या कार्यालयावर फेकण्यात आलेल्या ग्रेनेडच्या प्रकरणात पंजाब पोलिसांच्या गुन्हे अन्वेषण शाखेने रूपनगरच्या मोरिंडा परिसरातून अमन सिंह उपाख्य भोलू आणि गुरतेज सिंह यांना अटक केली आहे. ते रत्तनगड गावचे रहिवासी आहेत. या आरोपींना निधी आणि निर्देश कुठून मिळाले, याचा शोध पोलीस घेत आहेत. या आक्रमणाचे दायित्व खलिस्तानी आतंकवादी संघटना बब्बर खालसा इंटरनॅशनलच्या सुखजिंदर सिंह बब्बर याने स्वीकारली आहे. ग्रेनेडच्या स्फोटात कोणतीही जीवितहानी झाली नव्हती.

सुरक्षायंत्रणांना संशय आहे की, फेकण्यात आलेला ग्रेनेड पाकमधून ड्रोनद्वारे भारतात पाठवण्यात आला होता.