Fake Currency Dropped : पाकिस्तानने ड्रोनद्वारे पंजाबमध्ये बनावट नोटा टाकल्या !

अमृतसर येथे अडीच लाख रुपयांच्या बनावट नोटा जप्त

अमृतसर (पंजाब) – पाकिस्तानची गुप्तचर संस्था आय.एस्.आय. (इंटर सर्व्हिस इंटेलिजन्स – आंतरसेवा गुप्तचर यंत्रणा) नेहमीच भारतीय सीमेत आर्डीएक्स, ग्रेनेड,  पिस्तूल, काडतुसे आणि हेरॉइन यांचा मोठा साठा टाकत असते. आता पाकिस्तानने ड्रोनद्वारे पंजाबमध्ये बनावट नोटा टाकल्याचे उघड झाले आहे. सीमा सुरक्षा दलाने पंजामधील घरिंदा येथे अडीच लाख रुपयांच्या बनावट भारतीय नोटा जप्त केल्या. नोव्हेंबर २०१८ मध्ये भारतात नोटाबंदी लागू झाल्यानंतर पाकिस्तानने भारतीय सीमेत अशा बनावट नोटा टाकण्याची ही पहिलीच वेळ आहे.

गुप्तचर संस्थेच्या एका अधिकार्‍याने सांगितले की, भारतीय अर्थव्यवस्थेला हानी पोचवण्यासाठी आय.एस्.आय. पाकिस्तानच्या सीमावर्ती भागांमध्ये मोठ्या प्रमाणावर बनावट भारतीय चलन छापण्याची सिद्धता करत आहे. जेणेकरून या बनावट नोटा भारतात खर्‍या नोटांसमवेत चलनात आणता येतील. सुरक्षा यंत्रणेने यासंदर्भात केंद्रीय गृह मंत्रालयाला एक अहवालही पाठवला आहे.