सनातन प्रभात > Post Type > बातम्या > राष्ट्रीय बातम्या > Dehradun Gang Rape : डेहराडूनमध्ये १४ वर्षांच्या हिंदु मुलीवर ३ अल्पवयीन मुसलमान मुलांकडून सामूहिक बलात्कार

Dehradun Gang Rape : डेहराडूनमध्ये १४ वर्षांच्या हिंदु मुलीवर ३ अल्पवयीन मुसलमान मुलांकडून सामूहिक बलात्कार

शीतपेयातून गुंगीचे औषध पाजून बेशुद्ध केल्यावर केला बलात्कार

देहराडून (उत्तराखंड) – येथे एका १४ वर्षांच्या अल्पवयीन मुलीला तीन अल्पवयीन मुसलमान मुलांनी शीतपेयामध्ये अमली पदार्थ देऊन सामूहिक बलात्कार केला. त्यांनी पीडित मुलीला जंगलात नेऊन हे कृत्य केले. पीडितेच्या आईने दिलेल्या तक्रारीनंतर पोलिसांनी तातडीने कारवाई करत तिन्ही आरोपींना अटक केली.

पीडितेच्या आईने दिलेल्या तक्रारीनुसार १२ मार्च या दिवशी संध्याकाळी ७ वाजण्याच्या सुमारास त्यांची मुलगी धुण्यासाठी आलेले कपडे देण्यासाठी घराबाहेर पडली होती. याच वेळी एका ओळखीच्या मुसलमान मुलाने तिला दूरभाष करून हरिद्वार बायपासजवळील एका शाळेजवळ बोलावले. ती तिथे पोचली असता तिथे आधीच इतर २ मुसलमान मुले उपस्थित होती. तिघांनी तिला फूस लावून जवळच्या जंगलात नेले. तिथे त्यांनी शीतपेयामध्ये गुंगीचे औषध मिसळून तिला पाजले. मुलगी बेशुद्ध पडल्यानंतर तिघांनी तिच्यावर सामूहिक बलात्कार केला. १३ मार्चला सकाळी आरोपींनी मुलीला एका ई-रिक्शातून तिच्या घराबाहेर बेशुद्धावस्थेत सोडले आणि तिथून पळ काढला. शुद्धीवर आल्यानंतर मुलीने कुटुंबियांना सर्व प्रकार सांगितला. घटनेची माहिती मिळताच बजरंग दलाचे कार्यकर्ते पोलीस ठाण्यात पोचले आणि आरोपींच्या अटकेच्या मागणीसाठी त्यांनी निदर्शने केली.

संपादकीय भूमिका 

बलात्कार करू शकणार्‍यांना अल्पवयीन म्हणता येईल का ? अशांना अल्पवयीन म्हणून अल्प शिक्षा देऊन सोडू नये, तर अशांना प्रौढांप्रमाणे शिक्षा होण्यासाठी राज्यातील भाजप सरकारने प्रयत्न केले पाहिजेत !

नूतन लेख