सनातन प्रभात > Post Type > बातम्या > राष्ट्रीय बातम्या > Social Media Ban : कर्नाटक सरकारने १६ वर्षांखालील मुलांवर सामाजिक माध्यमे वापरण्यास बंदी घातली

Social Media Ban : कर्नाटक सरकारने १६ वर्षांखालील मुलांवर सामाजिक माध्यमे वापरण्यास बंदी घातली

अशा प्रकारची बंदी घालणारे देशातील पहिले राज्य !

कर्नाटकचे मुख्यमंत्री सिद्धरामय्या

बेंगळुरू (कर्नाटक) – कर्नाटकातील काँग्रेस सरकारने राज्यात १६ वर्षांखालील मुलांसाठी सामाजिक माध्यमांच्या वापरावर बंदी घातली आहे. मुख्यमंत्री सिद्धरामय्या यांनी कर्नाटक विधानसभेत राज्याचा वार्षिक अर्थसंकल्प सादर करतांना ही घोषणा केली. या निर्णयामुळे अशा प्रकारची संपूर्ण बंदी लागू करणारे कर्नाटक हे देशातील पहिले राज्य ठरणार आहे. यापूर्वी आंध्रप्रदेश आणि गोवा सरकार यांनीही मुलांच्या सामाजिक माध्यमांच्या वापरावर निर्बंध घालण्यावर विचार चालू असल्याचे संकेत दिले होते; मात्र कर्नाटकने या विषयावर सर्वप्रथम स्पष्ट आणि ठोस निर्णय घोषित केला.

मुख्यमंत्री सिद्धरामय्या म्हणाले की, मुलांमध्ये वाढत्या भ्रमणभाषच्या वापरामुळे होणारे दुष्परिणाम टाळण्यासाठी हा निर्णय घेण्यात आला आहे. सामाजिक माध्यमांचा अतिवापर विद्यार्थ्यांच्या वर्तनावर, शिक्षणावर आणि मानसिक आरोग्यावर नकारात्मक परिणाम करत आहे.

ऑस्ट्रेलियानेही अलीकडेच १६ वर्षांखालील मुलांसाठी सामाजिक माध्यमांचा वापर करण्यावर बंदी घातली आहे.

नूतन लेख