अनकापल्ली (आंध्रप्रदेश) : गौरी-परमेश्वर मंदिराशेजारी असलेल्या ‘हलीम केंद्र’ या मांसाहार हॉटेलवर कारवाई !

हिंदुत्वनिष्ठ संघटनांच्या सातत्यपूर्ण आंदोलनाला यश

गौरी-परमेश्वर मंदिराच्या शेजारी उभारण्यात आलेले हेच ते ‘हलीम केंद्र’ नावाचे उपाहारगृह

अनकापल्ली (आंध्रप्रदेश) – शहरातील कुंचावरी रस्त्याच्या बाजूला गौरी-परमेश्वर मंदिराच्या शेजारीच ‘हलीम केंद्र’ नावाचे मांसाहार पदार्थ देणारे एक अनधिकृत उपाहारगृह चालू करण्यात आले होते. हे प्रकरण समोर येताच ते तात्काळ हटवण्याच्या मागणीसाठी विश्व हिंदु परिषदेचे नगराध्यक्ष सुरवरापाटी ताताजी यांच्या नेतृत्वाखाली धरणे आंदोलन केले. अनेक दिवस हे आंदोलन चालू होते. महानगरपालिका आयुक्तांच्या वतीने संबंधित अधिकारी अनंतम् कार्तिकेय यांना निवेदनही देण्यात आले होते. त्यानंतर प्रशासनाने संबंधित उपाहारगृह हटवण्याचे आश्वासन देऊन त्याच्या विरोधात कारवाई केली.

🚩 Protests Yield Results in Anakapalli!

After sustained protests, action was taken against a non-veg “Haleem Center” operating beside the sacred Gowri-Parameswar Temple.

Kudos to local Hindutva organisations whose sustained protests compelled the administration to respond.… pic.twitter.com/2oITHRIBqJ

— Sanatan Prabhat (@SanatanPrabhat) February 23, 2026

विश्व हिंदु परिषदेचे जिल्हाध्यक्ष द्वारापुडी परमेश्वर राव, हरे कृष्ण मंदिर समितीचे अध्यक्ष दुर्लभ कृष्ण प्रेमदासजी, हिंदु जनजागृती समितीचे जे. जनार्दन, तसेच गुडीसा मुरली आणि इतर हिंदुत्वनिष्ठ यांच्यामुळे हे आंदोलन यशस्वी झाले.

संपादकीय भूमिका

मंदिराचे पावित्र्य नष्ट करू पहाणार्‍या उपाहारगृहावर कारवाई करण्यास भाग पाडणार्‍या हिंदुत्वनिष्ठ संघटनांचे अभिनंदन ! असे हिंदूच हिंदु धर्माची खरी शक्ती होत !

हिंदूंच्या मंदिरांशेजारी मुसलमान मांसाहार उपाहारगृह उभे कसे करू शकतात ? यातून त्यांच्या लेखी हिंदूंच्या धार्मिक भावना कवडीमोल असून त्यांना प्रशासनाचे भय नसल्याचे दिसून येते ! विशेष म्हणजे वर्ष २०११ च्या जनगणनेनुसार अनकापल्ली गावात ९७ टक्के हिंदु लोकसंख्या असूनही अशी स्थिती असणे, हे स्थानिक हिंदूंसाठी लज्जास्पद !