Pro-Khalistan Dal Khalsa : ‘शिखांवर हिंदुत्व संस्कृती लादण्याचा प्रयत्न असून तो स्वीकारणार नाही !’

‘वन्दे मातरम्’ गाण्याला खलिस्तान समर्थक ‘दल खालसा’चा विरोध

अमृतसर (पंजाब) – ‘वन्दे मातरम्’ शाळा, महाविद्यालय आदी ठिकाणी म्हणणे अनिवार्य करण्याचा निर्णय हा भारतीयत्वाच्या नावाखाली हिंदुत्व विचारसरणी शीख समुदायावर लादण्याचा प्रयत्न आहे. शीख असल्यामुळे आम्ही हे स्वीकारणार नाही. हा निर्णय शीख समुदायाच्या भावना आणि त्यांच्या धार्मिक ओळखीच्या विरोधात आहे, अशी प्रतिक्रिया खलिस्तानचे समर्थन करणार्‍या ‘दल खालसा’ या शीख संघटनेचे नेते कंवरपाल सिंह बिट्टू यांनी निवेदन प्रसारित करून व्यक्त केली आहे.

Pro-Khalistan Dal Khalsa says it “won’t accept imposition of Hindutva through Vande Mataram.”

Let’s remember history: Sikh Gurus stood for Dharma and sacrificed their lives to protect it.

From Guru Tegh Bahadur’s sacrifice to countless Sikh warriors, the bond between Hindus &… https://t.co/4XkhOpCe7L pic.twitter.com/OHYhWYVXeL

— Sanatan Prabhat (@SanatanPrabhat) February 14, 2026

कंवरपाल सिंह बिट्टू यांनी संपूर्ण शीख समुदायाला आवाहन केले आहे की, त्यांनी हा निर्णय मानू नये आणि तो रहित करण्याची मागणी करावी. त्यांचे म्हणणे आहे की, हा निर्णय शीख संस्कृतीवर एक विशिष्ट विचारसरणी लादण्यासारखा आहे, जो शीख परंपरांशी जुळत नाही. हे एक सूक्ष्म आक्रमण आहे. शिखांनी हे सूत्र गांभीर्याने समजून घेतले पाहिजे आणि त्याचा विरोध केला पाहिजे. जर भारत सरकार किंवा पंजाब सरकार यांच्याकडून कोणताही निर्णय कपट, फसवणूक किंवा कोणत्याही गुप्त कार्यसूचीखाली शीख समुदायावर लादला गेला, तर त्याचा यापूर्वीही विरोध करण्यात आला आहे आणि पुढेही केला जात राहील.

खलिस्तान समर्थक ‘दल खालसा’ची माहिती

‘दल खालसा’ एक शीख धार्मिक संघटना आहे. तिची स्थापना वर्ष १९७८ मध्ये पंजाबमध्ये झाली. ही संघटना शीख समुदायाच्या धार्मिक आणि राजकीय सूत्रे यांना वाचा फोडण्याचा प्रयत्न करते. शिखांच्या कथित हक्कांसाठी, पंजाबशी संबंधित सूत्रांसाठी आणि खलिस्तानच्या मागणीसाठी या संघटनेने नेहमीच आंदोलन केले आहे.