पंजाबमधील काँग्रेसचे सर्व आमदार वाळूच्या अवैध व्यापारात गुंतले आहेत; मात्र मी कुणाचेही नाव सार्वजनिक करणार नाही, असा आरोप पंजाबचे माजी मुख्यमंत्री कॅप्टन अमरिंदर सिंह यांनी पत्रकारांशी बोलतांना केला.

फ्रान्सच्या गृहमंत्र्यांनी देशातील एका मशिदीला ६ मासांसाठी बंद करण्याची घोषणा केली आहे. या मशिदीच्या इमामाकडून दिली जाणारी कट्टरतावादी धार्मिक भाषणे रोखण्यासाठी हा निर्णय घेण्यात आल्याचे गृहमंत्र्यांनी सांगितले.

मुसलमानबहुल लक्षद्वीपमध्ये सरकारने तेथील शाळांना शुक्रवारऐवजी इतर राज्यांप्रमाणेच रविवारची साप्ताहिक सुट्टी देण्याचा निर्णय घेतला आहे; मात्र यामुळे येथे  मुसलमानांकडून विरोध होऊ लागला आहे.

म. गांधी यांच्या जयंतीच्या दिवशी ‘गोडसे झिंदाबाद’च्या घोषणा देणार्‍या लोकांना फाशी दिली पाहिजे’, असे विधान भाजपचे खासदार वरुण गांधी यांनी केले.

पंजाबमध्ये येशू ख्रिस्ताच्या नावाने शिक्षण केंद्र स्थापन करून तेथे बायबल आणि ख्रिस्ती धर्म यांचे शिक्षण देण्यात येणार आहे. तसेच ख्रिस्त्यांना वीज दरामध्ये सवलत देण्यात येणार आहे, अशी घोषणा मुख्यमंत्री चरणजीतसिंह चन्नी यांनी केली.

‘मी हिंदु संघटनांना सांगू इच्छितो की, श्रीरंगपट्टणम् (कर्नाटक) येथे मशिदीच्या ठिकाणी तुम्ही कितीही मोठे मंदिर बांधा, तिथे ‘अल्ला हू अकबर’ची घोषणाच दुमदुमेल’, अशी धमकी ‘सोशल डेमोक्रॅटिक पार्टी ऑफ इंडिया’चा नेता नुरूद्दीन फारुखी याने दिली आहे.

मदर तेरेसा यांनी स्थापन केलेल्या ‘मिशनरीज् ऑफ चॅरिटी’ या ख्रिस्ती संस्थेविरुद्ध धर्मांतराच्या आरोपावरून वडोदरा (गुजरात) येथे गुन्हा नोंदवण्यात आला आहे. या संस्थेच्या बालसुधारगृहातील मुलींना ख्रिस्ती बनवण्याचा प्रयत्न चालू असल्याचे तक्रारीत म्हटले आहे.

कोलार (कर्नाटक) येथे पोलिसांनी चेतावणी देऊनही ख्रिस्त्यांकडून हिंदूंच्या घरांमध्ये जाऊन ख्रिस्ती धार्मिक पुस्तके वाटण्याचा प्रयत्न झाल्याने लोकांकडून ती जाळण्यात आली.