‘श्री महालक्ष्मी अन्न छत्र सेवा ट्रस्ट’च्या वतीने नेहमीच गरजवंतांना साहाय्य करण्यात येते. दीपावलीच्या पार्श्वभूमीवर जे गरीब आर्थिक परिस्थितीमुळे दीपावली साजरी करू शकत नाहीत, अशा ७५० गरीब आणि गरजूंना ३ सहस्र किलो फराळाचे विनामूल्य वाटप करण्यात आले.

नियंत्रणात आलेल्या ‘स्वाइन फ्ल्यू’ आजाराने जिल्ह्यात पुन्हा डोके वर काढले आहे. ‘स्वाइन फ्ल्यू’मुळे ४ जणांचा मृत्यू झाल्याने महापालिका प्रशासनाची चिंता वाढली आहे. येथील महापालिकेत झालेल्या मृत्यू विश्लेषण समितीच्या बैठकीत आणखी ४ मृत्यू ‘स्वाइन फ्ल्यू’ने झाल्याचे शिक्कामोर्तब करण्यात आले.

सदरबझार परिसरात अजूनही चोरून जनावरांची हत्या केला जात असून जिल्हाधिकारी आणि पालकमंत्री यांनी सदरबझारच्या या अनधिकृत पशूवधगृहांकडे लक्ष द्यावे, अशी मागणी जोर धरू लागली आहे.