देवाच्या मनात असेल, तर आमचा महापौर होईल ! – उद्धव ठाकरे

मुंबई – कागदावरची शिवसेना संपवली, असे विजयी झालेल्यांना वाटले असेल; पण भूमीवरील शिवसेना त्यांना संपवता आलेली नाही. आमचा महापौर व्हावा, हे स्वप्न आहेच. देवाच्या मनात असेल, तर तेही होईल, असे विधान ठाकरे गटाचे उद्धव ठाकरे यांनी केले. महापालिका निवडणुकीतील नवनिर्वाचित नगरसेवकांनी ‘मातोश्री’ निवासस्थानी त्यांची भेट घेतली. त्या वेळी ते बोलत होते. या वेळी उद्धव ठाकरे यांनी त्या सर्वांचे अभिनंदन केले.

आम्हाला अपेक्षित आकडा गाठता आलेला नाही. त्यांनी गद्दारी केली. त्यांनी हे पाप कले. त्यांना मुंबईकर, मराठी माणूस क्षमा करणार नाही, अशा शब्दांत ठाकरेंनी उपमुख्यमंत्री एकनाथ शिंदे यांच्यावर टीका केली.