SRSmahotsav Delhi 2025 : देहलीतील कडकडडूमा जिल्हा आणि सत्र न्यायालयाच्या २५ अधिवक्त्यांना ‘सनातन राष्ट्र शंखनाद महोत्सवा’चे निमंत्रण !

देहली – येथील कडकडडूमा जिल्हा आणि सत्र न्यायालयाच्या २५ अधिवक्त्यांना देहली येथे होणार्‍या ‘सनातन राष्ट्र शंखनाद महोत्सवा’चे निमंत्रण देण्यात आले. सनातन संस्थेचे राष्ट्रीय प्रवक्ते श्री. चेतन राजहंस यांनी अधिवक्त्यांच्या बैठकीत या महोत्सवाविषयी माहिती दिली. अधिवक्ता अवनीश शुक्ला यांनी या बैठकीचे आयोजन केले होते. १३ आणि १४ डिसेंबर या दिवशी भारत मंडपम् येथे ‘सनातन राष्ट्र शंखनाद महोत्सव’ होणार आहे. या महोत्सवात सहभागी होणार असल्याचे बैठकीला उपस्थित असलेल्या अधिवक्त्यांनी सांगितले.