Attack On Afghanistan : पाकच्या अफगाणिस्तानवरील हवाई आक्रमणात १० नागरिकांचा मृत्यू

काबुल (अफगाणिस्तान) – पाकने पुन्हा एकदा अफगाणिस्तानवर हवाई आक्रमण केले. या आक्रमणात १० नागरिक ठार झाले. विशेष म्हणजे यात ९ मुले आणि एक महिला यांचा समावेश आहे. हे आक्रमण २४ नोव्हेंबरला मध्यरात्री करण्यात आले. पाककडून यावर अद्याप कोणतीही अधिकृत भूमिका मांडण्यात आलेली नाही. पाकच्या अर्धसैनिक दलाच्या मुख्यालयावर झालेल्या आत्मघाती आक्रमणानंतर पाककडून हे आक्रमण करण्यात आले.

तालिबानचे प्रवक्ते जबीउल्लाह मुजाहिद यांनी सांगितले की, खोस्त प्रांतातील गरबज जिल्ह्यातील मुगलगई परिसरात एका घरावर बाँब डागण्यात आला. यात हे संपूर्ण घर उद्ध्वस्त झाले. पाकिस्तानने कुनार आणि पक्तिका प्रांतांमध्येही आक्रमण केले. तेथ ४ नागरिक घायाळ झाले.