Nitish Kumar:  नितीश कुमार पुन्हा बिहारचे मुख्यमंत्री : २६ मंत्र्यांनीही घेतली शपथ

पाटलीपुत्र (बिहार) – नितीश कुमार यांनी पुन्हा एकदा बिहारचे मुख्यमंत्री म्हणून शपथ घेतली. सम्राट चौधरी आणि विजय कुमार सिन्हा यांनी उपमुख्यमंत्री म्हणून शपथ घेतली. एकूण २६ आमदारांनी मंत्रीपदाची शपथ घेतली.

यांमध्ये भाजपचे १४, नितीश कुमार यांच्या जनता दल (संयुक्त) पक्षाचे ८, चिराग पासवान यांच्या पक्षाचे २ मंत्री, राष्ट्रीय लोकमोर्चा आणि हिंदुस्थानी अवाम मोर्चा या पक्षांच्या प्रत्येकी १ मंत्र्यांचा समावेश आहे. गांधी मैदानात झालेल्या भव्य शपथग्रहण समारंभात पंतप्रधान नरेंद्र मोदी, केंद्रीय गृहमंत्री अमित शहा, भाजपचे अध्यक्ष जे.पी. नड्डा यांच्यासह अनेक नेते उपस्थित होते.