१४ नोव्हेंबरला वाशी येथे ‘अज्ञात सावरकर’ विषयावर व्याख्यान !

नवी मुंबई – सावरकर विचार मंच आणि मराठी साहित्य संस्कृती आणि कला मंडळ यांच्या वतीने ‘अज्ञात सावरकर’ या विषयावर वाशी येथे १४ नोव्हेंबर या दिवशी व्याख्यानाचे आयोजन करण्यात आले आहे. लेखक आणि सावरकर चरित्र अभ्यासक योगेश सोमण हे व्याख्याते म्हणून उपस्थित असणार आहेत. सायंकाळी ६.३० वाजता मराठी साहित्य संस्कृती व कला मंडळ सभागृह सेक्टर ६, वाशी येथे हा कार्यक्रम होईल. कार्यक्रमासाठी सर्वांना विनामूल्य प्रवेश असणार आहे.

मंचाचे अध्यक्ष संतोष कानडे यांनी सांगितले की, क्रांतीकारक सावरकर सर्वांना ज्ञात आहेत; परंतु राष्ट्रीय सुरक्षा, विदेशनीती याविषयीचे द्रष्टे सावरकर अजूनही अज्ञात आहेत. त्यांनी या देशाची सुरक्षा आणि त्याला असलेले भविष्यकालीन धोके काळाआधीच सांगितले होते. गेल्या १० वर्षांतील सध्याच्या सरकारच्या संरक्षण, अंतर्गत सुरक्षा आणि परराष्ट्रधोरण यांवर सावरकरांचा गाढा प्रभाव दिसून येतो. सावरकरांच्या व्यक्तीमत्त्वाचे दुर्लक्षित पैलू योगेश सोमण व्याख्यानातून उलगडतील.