Ayodhya Ram Mandir : अयोध्येतील श्रीराममंदिरात दर्शन आणि आरती यांच्या वेळेत पालट !

अयोध्या – अयोध्येतील श्रीराममंदिरात श्रीरामप्रभुचे दर्शन आणि आरती यांच्या वेळेत पालट करण्यात आला आहे. लवकरच हिवाळा चालू होणार आहे. त्यामुळे हा पालट करण्यात आला आहे. श्री रामलल्लाची मंगलआरती पहाटे ४ ऐवजी आता ४ वाजून ३० मिनिटांनी चालू होईल. श्री रामलल्लाची श्रृंगारआरती सकाळी ६ ऐवजी ६ वाजून ३० मिनिटांनी होणार आहे. सकाळी साडेसहा वाजता चालू होणारे श्रीरामल्लाचे दर्शन भाविकांना आता सकाळी ७ वाजल्यापासून चालू होईल, अशी माहिती श्रीराममंदिर न्यासाचे डॉ. अनिल मिश्रा यांनी दिली.