सनातन प्रभात > Post Type > बातम्या > राष्ट्रीय बातम्या > Sambhal Violence : संभल (उत्तरप्रदेश) येथे दिवाळीच्या फटाक्यांवरून हिंदु-मुसलमानांमध्ये संघर्ष !

Sambhal Violence : संभल (उत्तरप्रदेश) येथे दिवाळीच्या फटाक्यांवरून हिंदु-मुसलमानांमध्ये संघर्ष !

  • दगडफेकीत ६ जण घायाळ  

  • गावात पोलीस आणि सुरक्षादलाचे सैनिक तैनात
प्रातिनिधिक छायाचित्र

संभल (उत्तरप्रदेश) – उत्तरप्रदेशातील संभल जिल्ह्यातील अहमदनगर थरैसा गावात दिवाळीच्या, म्हणजेच २१ ऑक्टोबरच्या रात्री फटाके फोडण्यावरून हिंदु आणि मुसलमान समुदायांमध्ये वाद झाला. दोन्ही समुदायांतील लोक समोरासमोर आले आणि दगडफेक चालू झाली. या घटनेत अनुमाने ६ जण घायाळ झाले. गावातील तणावाच्या स्थितीवर नियंत्रण मिळवण्यासाठी मोठा पोलीस फौजफाटा आणि सुरक्षादलाचे सैनिक तैनात करण्यात आले आहेत.

दिवाळीच्या रात्री अनुमाने ८ वाजण्याच्या सुमारास अहमदनगर थरैसा गावातील धर्मपाल जाटव यांच्या घरी दिवाळीनिमित्त फटाके फोडले जात होते. त्या वेळी मुसलमान समुदायातील सादिक नावाचा मुलगा ते पहाण्यासाठी आला होता. तेव्हा तेथे मुलांमध्ये वाद झाला आणि तो वाद वाढून हिंदु-मुसलमान कुटुंबियांमध्ये भांडण चालू झाले. काही वेळातच दोन्ही बाजूंनी दगडफेक चालू झाली. गावात दोन समुदायांमध्ये वाद निर्माण झाल्याची माहिती मिळताच पोलीस निरीक्षक मनोजकुमार वर्मा पोलीस पथकासह घटनास्थळी पोचले. पोलिसांनी मध्यस्थी करून दोन्ही बाजूंना शांत केले.

संपादकीय भूमिका

दंगलखोर धर्मांध !

नूतन लेख