सनातन प्रभात > Post Type > बातम्या > राष्ट्रीय बातम्या > Pandit Dhirendrakrushna Shastri : आम्ही बकरी ईदविषयी बोलत नसल्याने दिवाळीत फटाके फोडण्यावरून हिंदूंना कुणी उपदेश करू नये !

Pandit Dhirendrakrushna Shastri : आम्ही बकरी ईदविषयी बोलत नसल्याने दिवाळीत फटाके फोडण्यावरून हिंदूंना कुणी उपदेश करू नये !

पंडित धीरेंद्रकृष्ण शास्त्री यांचे विधान

मुंबई – प्रदूषण हे एक गंभीर सूत्र आहे; पण हे सूत्र केवळ हिंदूंच्या सणांच्या वेळीच का उपस्थित केले जाते ? अभिनेत्यांनी दिवाळीत फटाक्यांविषयी उपदेश करू नये. आम्ही बकरी ईद किंवा ताजिया (इमाम हुसेन यांच्या समाधीची प्रतिकृती. ती अनेक प्रकारात आणि आकारात बनवली जाते) यांच्याविषयी कधी उपदेश करत नाही. त्यामुळे आमच्याही सणांविषयी कुणी उपदेश करू नका. ही आमची परंपरा आहे आणि आम्ही ती पाळू, अशी प्रतिक्रिया मध्यप्रदेशातील छत्तरपूर येथे पंडित धीरेंद्रकृष्ण शास्त्री यांनी येथे पत्रकारांच्या प्रश्नावर उत्तर देतांना व्यक्त केली.

पंडित धीरेंद्रकृष्ण शास्त्री यांनी श्री सिद्धिविनायक मंदिरात जाऊन दर्शन घेतल्यानंतर त्यांना पत्रकारांनी दिवाळीत फटाक्यांमुळे होणार्‍या प्रदूषणाविषयी आणि चित्रपट अभिनेते फटाके न फोडण्याच्या करत असलेल्या आवाहनाविषयी प्रश्न विचारला होता. त्याला त्यांनी वरील उत्तर दिले.

नूतन लेख