राज ठाकरे यांनी ‘शहाड’ रेल्वेस्थानकाचा हिंदीतील ‘शहद’ उल्लेख पालटायला लावला !

ठाणे – मनसे अध्यक्ष राज ठाकरे यांनी अंबरनाथ आणि उल्हासनगर शहरांतील पदाधिकार्‍यांच्या भेटी घेतल्या. त्या वेळी ‘शहाड’  रेल्वेस्थानकाचा नामफलक पाहिला. त्याच्या खाली हिंदीत ‘शहद’ असे लिहिले होते. ते म्हणाले, ‘‘शहाडचे हिंदी शहाडच होईल ना ?’’ त्यांनी कार्यकर्त्यांना ते पालटण्याचा आदेश दिला. कार्यकर्त्यांनी रेल्वे प्रशासनाला पत्र देत नाव पालटण्याची विनंती केली. प्रशासनाने रेल्वे स्थानकावरील ‘शहद’ नावाचा उल्लेख पुसून तेथे ‘शहाड’ केले. (रेल्वे प्रशासनाने राज्यात अन्य ठिकाणच्या रेल्वेस्थानकांवर हिंदी भाषेतील चुकीचे उल्लेख नाहीत ना, याची पडताळणी करावी ! – संपादक)