Qari Ishaq Gora : मुसलमान महिलांनी रात्री जत्रेमध्ये जाणे असुरक्षित असल्याने ते टाळावे  ! – मौलाना कारी इसहाक गोरा, जमीयत दावतुल मुस्लिमीन

जमीयत दावतुल मुस्लिमीनचे मौलाना कारी इसहाक गोरा यांचे आवाहन

(मौलाना म्हणजे इस्लामचा अभ्यासक)

सहारनपूर (उत्तरप्रदेश) – मुसलमान महिलांनी जत्रेमध्ये जाऊ नये; कारण हे इस्लामच्या विरोधात आहे. रात्री जत्रेत महिलांचा फेरफटका त्यांच्या सुरक्षिततेसाठी धोका निर्माण करतो. आजकालच्या जत्रेमध्ये मुसलमानांची गर्दी आणि उत्साह असतो. तरुण पिढी रात्री उशिरापर्यंत जत्रेत असते, हे दुःखद आणि अनुचित आहे. अशा कृतींमुळे नवीन पिढीच्या संस्कारावर वाईट परिणाम होऊ शकतो. तरुणांना सकाळच्या नमाजेचीही काळजी नसते. हेच आपले संस्कार आहेत का? हेच इस्लामने शिकवले आहे का ? असे देवबंदच्या उलेमा आणि जमीयत दावतुल मुस्लिमीनचे मौलाना कारी इसहाक गोरा यांनी म्हटले आहे. त्यांनी या संदर्भात व्हिडिओ प्रसारित केला.