गुलामगिरीची ओळख मनामनांतून पुसण्यासाठी श्री दुर्गादेवीच्या चरणी संपूर्णपणे शरण जाऊया ! – पू. संभाजीराव भिडेगुरुजी, संस्थापक, श्री शिवप्रतिष्ठान हिंदुस्थान

आपल्या माथ्यावर शिरस्त्राण, फेटा बांधून टोपी घालून पवित्र असा छत्रपती शिवाजी, छत्रपती संभाजी मंत्र मनामध्ये भिनवू. आपल्याला शक्ती, बुद्धी आणि प्रेरणा हवी आहे आणि ती आपल्याला आई दुर्गेकडून मिळणार आहे. यासाठी संपूर्ण शरणागतभावाने, कळकळीने आणि तळमळीने आई दुर्गेकडे राष्ट्र उभारणीसाठी अन् ही गुलामगिरीची ओळख पुसून टाकण्यासाठी शक्ती मागूया. या राष्ट्राच्या उभारणीसाठी अर्थातच हा लढा जिंकण्यासाठी जशी आपण कुस्ती निकाली करण्यासाठी पूर्ण शक्ती लावतो, तसेच सर्वार्थाने राष्ट्रासाठी तन-मन आणि धन यांनी समर्पित होऊया. जेव्हा आपण तळमळीने मागू, तेव्हा देवी या देशावर नक्कीच कृपा करील. – पू. संभाजीराव भिडेगुरुजी