सनातन प्रभात > Post Type > बातम्या > राष्ट्रीय बातम्या > ‘बाँबे’ऐवजी ‘मुंबई’ असा उल्लेख करावा ! – अमेय खोपकर, महाराष्ट्र नवनिर्माण सेनेचे नेते

‘बाँबे’ऐवजी ‘मुंबई’ असा उल्लेख करावा ! – अमेय खोपकर, महाराष्ट्र नवनिर्माण सेनेचे नेते

  • महाराष्ट्र नवनिर्माण सेनेचे नेते अमेय खोपकर यांची दूरचित्रवाणीसह चित्रपटांत सहभागी होणार्‍यांना चेतावणी !

  • ३० वर्षांपूर्वी झालेल्या ‘बाँबे’च्या ‘मुंबई’ नामकरणाच्या निर्णयाचा मान राखण्याची सूचना
डावीकडे अमेय खोपकर

मुंबई – दूरचित्रवाणीवरील विनोदी कार्यक्रम असलेल्या ‘द कपिल शर्मा शो’मध्ये मुंबईचा उल्लेख ‘बाँबे’ असा करण्यात आला. या प्रकरणी महाराष्ट्र नवनिर्माण सेनेचे नेते अमेय खोपकर यांनी आक्षेप घेत सामाजिक माध्यमांवर केलेल्या पोस्टमध्ये म्हटले, ‘‘बाँबेचे ‘मुंबई’ असे अधिकृत नामकरण होऊन ३० वर्षे झाली, तरीही या कार्यक्रमात पाहुणे कलाकार, नवी देहलीस्थित राज्यसभा खासदार, सूत्रसंचालक यांच्याकडून, तसेच अनेक हिंदी चित्रपटांत सर्रास ‘बाँबे’ असा उल्लेख केला जातो. तरी झालेल्या निर्णयाचा मान राखून ‘मुंबई’ असा उल्लेख करावा, अशी चेतावणी आहे.’’

वरील कार्यक्रमात बोलतांना हिंदी चित्रपटसृष्टीतील अभिनेत्री हुमा कुरेशी हिने मुंबईत आल्यावर तिचा संघर्ष कथन करतांना ‘मुंबई’चा उल्लेख ‘बाँबे’ असा केला होता.

संपादकीय भूमिका

असे सांगण्याची वेळ येणे, हे संतापजनक !

नूतन लेख