श्रीमंत थोरले बाजीराव पेशवे यांच्या जयंतीनिमित्त पुणे येथे ‘अभिवादन रॅली’ पार पडली !

पुणे, १९ ऑगस्ट (वार्ता ) – अजेय सेनानी श्रीमंत थोरले बाजीराव पेशवे यांच्या जयंतीनिमित्त १८ ऑगस्ट या दिवशी ‘अभिवादन रॅली’चे (फेरीचे)आयोजन करण्यात आले होते. या रॅलीत भाजपच्या खासदार प्रा. डॉ. (सौ.) मेधा कुलकर्णी, बाजीराव पेशवे यांचे वंशज पुष्करसिंह पेशवे, ब्राह्मण महासंघाचे राष्ट्रीय अध्यक्ष गोविंदराव कुलकर्णी, जिल्हाध्यक्ष मंदार रेडे, पेशव्यांचे अभ्यासक जगन्नाथ लडकत, अभिनेते सुनील गोडबोले, ‘ग्राहक पेठे’चे सूर्यकांत पाठक, नगरसेवक जयंत भावे, शामराव देशपांडे, तसेच ‘थोरले बाजीराव पेशवे प्रतिष्ठान’चे अध्यक्ष कुंदनकुमार साठे यांच्यासह शेकडो बाजीरावप्रेमी मोठ्या संख्येने उपस्थित होते. या रॅलीतून थोरल्या बाजीराव पेशवे यांच्या पराक्रमाची आठवण करून देत त्यांना विनम्र अभिवादन करण्यात आले.