सनातन प्रभात > Post Type > बातम्या > राष्ट्रीय बातम्या > प्लास्टर ऑफ पॅरिसच्या गणेशमूर्तींवर बंदी घालण्याच्या अधिसूचनेची गांभीर्याने कार्यवाही करा ! – Karnataka High Court

प्लास्टर ऑफ पॅरिसच्या गणेशमूर्तींवर बंदी घालण्याच्या अधिसूचनेची गांभीर्याने कार्यवाही करा ! – Karnataka High Court

कर्नाटक उच्च न्यायालयाचे राज्यातील काँग्रेस सरकारला निर्देश

बेंगळुरू (कर्नाटक) – ‘प्लास्टर ऑफ पॅरिस (पीओपी) गणेशमूर्तींवर बंदी घालण्याच्या अधिसूचनेची गांभीर्याने कार्यवाही करा’, असे निर्देश कर्नाटक उच्च न्यायालयाने राज्य सरकारला दिले आहेत. या वेळी न्यायालयाने कर्नाटक राज्य प्रदूषण नियंत्रण मंडळाने प्रविष्ट (दाखल) केलेली याचिका निकाली काढली. पीओपी मूर्तींवर बंदी घालण्याच्या आदेशाचे पालन केले जात नाही, असा आरोप याचिकाकर्त्यांनी केला होता. त्यावर उच्च न्यायालयाने सरकारला वरील निर्देश दिले.

सरकारी अधिवक्त्यांनी युक्तीवाद केला की, काही ठिकाणी गुन्हे नोंदवण्यात आले आहेत आणि कायद्यानुसार आवश्यक ती कारवाई केली जाईल. पीओपी मूर्तींवर बंदी घालण्याचा सरकारी आदेश आधीच प्रसारित करण्यात आला आहे आणि त्याची कार्यवाही करणे आवश्यक असल्याने आम्ही (सरकार) कोणताही आदेश प्रसारित करणार नाही.

संपादकीय भूमिका

मुंबई उच्च न्यायालयाने ‘प्लास्टर ऑफ पॅरिस’च्या श्री गणेशमूर्ती पर्यावरणासाठी, म्हणजेच पाण्यासाठी अहितकारी नाहींत, असा निर्वाळा दिला आहे. दुसरीकडे कर्नाटकात पीओपीच्या मूर्तींवर प्रतिबंध आहे. त्यामुळे आता माननीय सर्वोच्च न्यायालयानेच याची स्वत:हून दखल घेऊन (सुओ मोटो) देशभरात गणेशमूर्तींवरील बंदी उठवण्यासाठी निर्णय द्यावा, ही धर्मप्रेमी हिंदूंची विनंती नि अपेक्षा !

नूतन लेख