Dairy Milk Marathi : ‘डेअरी मिल्क’ चॉकलेटच्या वेष्टनावर इंग्रजी शब्द आणि वाक्य यांचे मराठी अर्थ छापले !

मुंबई – ‘डेअरी मिल्क’ या कॅडबरी चॉकलेटच्या नवीन वेष्टनावर इंग्रजी शब्दांचे, तसेच संवादांचे मराठी अर्थ छापण्यात आले आहेत. मराठीच्या या प्रयत्नाविषयी ‘बृहन्महाराष्ट्र मराठी मंडळा’ने कॅडबरीला ‘मंडळ आभारी आहे’, असा प्रतिसाद दिला आहे. ‘तुम्ही तुमच्या भाषेवर ठाम रहा, जग तुमची नोंद नक्की घेईल’, असे महाराष्ट्र नवनिर्माण सेनेचे अध्यक्ष राज ठाकरे म्हणाले होते. त्यांच्या या वाक्याची कॅडबरीच्या नव्या वेष्टनामुळे चर्चा आहे.

वेष्टनावर लिहिलेले शब्द आणि वाक्ये

१. थँक यू – धन्यवाद
२. सॉरी – माफ करा
३. लिटिल – जरा
४. मॉर्निंग – सकाळ
५. व्हॉट – का ?
६. हाऊ आर् यू ? – कसे आहात ?
७. नीड हेल्प ? – मदत हवी का ?
८. इव्हिनिंग – संध्याकाळ

सामाजिक माध्यमांवर यासंदर्भात आलेल्या प्रतिक्रिया !

१. राज्य सरकारने मराठीच्या संवर्धनासाठी असे उपक्रम राबवले पाहिजेत.

२. महापालिकांनी विज्ञापनांतून असे उपक्रम राबवले पाहिजेत.

३. मराठी व्यावसायिकांनी त्यांच्या उत्पादनांवर असे प्रयत्न केले पाहिजेत.