मेलबर्न (ऑस्ट्रेलिया) येथील भारतीय दूतावासाबाहेर स्वातंत्र्यदिन साजरा करणार्‍या भारतियांना खलिस्तान समर्थकांनी केला विरोध !

मेलबर्न (ऑस्ट्रेलिया) – येथील भारतीय वाणिज्य दूतावासाबाहेर स्वातंत्र्यदिन साजरा करणार्‍या भारतीय नागरिकांना खलिस्तानी समर्थकांनी रोखण्याचा प्रयत्न केला. काही खलिस्तानी समर्थकांनी झेंडे फडकावून आणि गोंधळ घालून वातावरण बिघडवले. परिस्थिती नियंत्रणात आणण्यासाठी पोलिसांना हस्तक्षेप करावा लागला. या घटनेचा व्हिडिओ सामाजिक माध्यमांत प्रसारित झाला आहे. यात दोन्ही गटांमध्ये हाणामारी झाल्याचे, तर पोलीस त्यांना रोखण्याचा प्रयत्न करत असल्याचे दिसून आले.