मनसेकडून लेडीज बारवर आक्रमण

राज ठाकरे यांनी केलेल्या टीकेचा परिणाम !

पनवेल – मनसेच्या संतापलेल्या कार्यकर्त्यांनी जुन्या मुंबई-पुणे महामार्गावर कोन गावातील ‘नाईट रायडर’ या रात्री १२ नंतरही विलंबापर्यंत चालू असलेल्या लेडीज बारवर धडक दिली आणि काठ्या अन् दांडके घेऊन हा बार फोडला.

महाराष्ट्र नवनिर्माण सेनेचे अध्यक्ष राज ठाकरे यांनी छत्रपती शिवाजी महाराजांच्या राजधानी असणार्‍या रायगड जिल्ह्यात अनधिकृत डान्सबारच्या वाढत्या संख्येवर जोरदार टीका केली होती. ‘छत्रपतींच्या राजधानीमध्ये रात्री उशिरापर्यंत ‘डान्स बार’ कसे चालू रहातात ? अशा बारनी येथील तरुणांचे आयुष्य उद्ध्वस्त केले आहे’, असे राज ठाकरे पनवेलमधील सभेत म्हणाले होते. आर्.आर्. पाटील मुख्यमंत्री असतांना हे सूत्र गाजले होते. या बारमधून बाहेर पडणार्‍या अनेक तरुणांचे अपघातही झाले आहेत.