सनातन प्रभात > Post Type > बातम्या > राष्ट्रीय बातम्या > Meghalaya Coal Scam : मेघालयाच्या शासकीय गोदामातून ४ सहस्र टन कोळसा गायब

Meghalaya Coal Scam : मेघालयाच्या शासकीय गोदामातून ४ सहस्र टन कोळसा गायब

उत्तरदायींवर तातडीने कारवाई करा ! – उच्च न्यायालयाचा आदेश

शिलाँग (मेघालय) – मेघालयच्या दक्षिण-पश्चिम खासी हिल्स जिल्ह्यातील राजाजू आणि डिएंगनागांव गावांतील सरकारी कोळसा डेपोंमधून (गोदामातून) तब्बल ४ सहस्र टन कोळसा गायब झाला. प्रकरणावर मेघालय उच्च न्यायालयाने तीव्र अप्रसन्नता व्यक्त करत उत्तरदायी अधिकार्‍यांवर तातडीने कारवाई करण्याचा आदेश दिला आहे. न्यायमूर्ती बी.पी. कटके यांच्या अध्यक्षतेखाली स्थापन करण्यात आलेल्या अन्वेषण समितीने सादर केलेल्या अहवालात याला गंभीर प्रशासकीय अपयश ठरवले आहे.

प्रशासनाने कोळसा गायब होण्याच्या घटनेची चौकशी चालू केली आहे; मात्र आजपर्यंत कोणत्याही अधिकार्‍यावर ठोस कारवाई झालेली नाही.

(म्हणे) ‘पावसात वाहून गेला असेल कोळसा ! –  मंत्र्यांचा धक्कादायक दावा

मेघालयाचे उत्पादन शुल्क मंत्री किरमेन शायला

या प्रकरणावर प्रतिक्रिया व्यक्त करतांना युनायटेड डेमोक्रॅटिक पार्टीचे नेते तथा मेघालयाचे उत्पादन शुल्क मंत्री किरमेन शायला यांनी स्पष्टीकरण देतांना म्हटले की, मेघालय हे देशातील सर्वाधिक पाऊस पडणारे राज्य आहे. त्यामुळे कदाचित् मुसळधार पावसामुळे हा कोळसा आसाम किंवा बांगलादेश येथे वाहून गेला असेल. हा माझा तर्क आहे याविषयी कोणताही ठोस पुरावा नाही.

नूतन लेख