सनातन प्रभात > Post Type > बातम्या > आंतरराष्ट्रीय बातम्या > Iran-Afghanistan : इराणने १६ दिवसांत ५ लाख अफगाणी लोकांना काढले बाहेर !

Iran-Afghanistan : इराणने १६ दिवसांत ५ लाख अफगाणी लोकांना काढले बाहेर !

AI निर्मित प्रतिकात्मक चित्र

तेहरान (इराण) – इराणने मार्च २०२५ मध्ये घोषणा केली की, ‘बेकायदेशीर अफगाणी स्थलांतरितांनी ६ जुलै २०२५ पर्यंत देश सोडावा, अन्यथा त्यांना बलपूर्वक हाकलून लावले जाईल.’ या घोषणेनुसार इराणने २४ जून ते ९ जुलै या १६ दिवसांत ५ लाखांहून अधिक अफगाणी घुसखोरांना देशातून बाहेर काढले आहे.

म्हणजेच प्रतिदिन सरासरी ३० सहस्र अफगाणी नागरिकांना देशाबाहेर काढण्यात आले. इस्रायलशी झालेल्या तणावपूर्ण संघर्षानंतर इराण अंतर्गत सुरक्षेचा हवाला देत स्थलांतरितांवर कठोर कारवाई करत आहे.

वर्षाच्या शेवटी इराण आणि पाक येथून ३० लाख अफगाणी हाकलले जातील !

वर्ष २०२५ मध्ये आतापर्यंत इराण आणि पाकिस्तान या देशांमधून १६ लाख  अफगाणिस्तान्यांना परत पाठवण्यात आले आहे. वर्षाच्या शेवटी ही संख्या ३० लाखांपर्यंत वाढू शकते. संयुक्त राष्ट्र मानवाधिकार आयोगातील अफगाणिस्तानचे प्रतिनिधी अराफत जमाल यांच्या मते, अफगाणिस्तान इतक्या मोठ्या प्रमाणावरील लोकांना स्वीकारण्यास सिद्ध नाही. अफागणिस्तानमध्ये रहाण्यासाठी जागा नाही, रोजगार नाही, सुरक्षितता नाही.

संपादकीय भूमिका

इराण असे करू शकतो, तर भारत बांगलादेशी आणि रोहिंग्या यांच्याविषयी असे का करू शकत नाही ?

नूतन लेख