सनातन प्रभात > Post Type > बातम्या > राष्ट्रीय बातम्या > Dress Code In Murudeshwar Temple : कर्नाटकातील जगप्रसिद्ध श्री मुरुडेश्वर मंदिरात वस्त्रसंहिता लागू !

Dress Code In Murudeshwar Temple : कर्नाटकातील जगप्रसिद्ध श्री मुरुडेश्वर मंदिरात वस्त्रसंहिता लागू !

  • हिंदुत्वनिष्ठांचा ऐतिहासिक विजय !

  • राज्यातील प्रत्येक मंदिरात वस्त्रसंहिता अनिवार्य केली पाहिजे ! – हिंदु जनजागृती समिती

(वस्त्रसंहिता म्हणजे मंदिरात प्रवेश करतांना परिधान करायच्या कपड्यांच्या संदर्भातील नियमावली)

श्री मुरुडेश्वर मंदिरात लावण्यात आलेला वस्त्रसंहितेचा सूचनाफलक

मुरुडेश्वर (कर्नाटक) – येथील जगप्रसिद्ध श्री मुरुडेश्वर मंदिराच्या प्रशासनाने २२ जूनपासून मंदिरात वस्त्रसंहिता लागू केली आहे. हिंदु जनजागृती समिती, कर्नाटक मंदिर महासंघ आणि इतर अनेक हिंदुत्वनिष्ठ संघटन यांनी डिसेंबर २०२२ मध्ये मंदिर प्रशासनाला एक विनंती सादर केली होती. यामध्ये वस्त्रसंहिता लागू करण्याची विनंती करण्यात आली होती. याला प्रतिसाद देत प्रशासनाने आता ती लागू केली. याचे सर्वत्र स्वागत झाले आहे.

हिंदु जनजागृती समितीचे कर्नाटक राज्य प्रवक्ते श्री. मोहन गौडा यांनी आशा व्यक्त केली की, या निर्णयामुळे राज्यातील सर्व मंदिरांमध्ये वस्त्रसंहिता लागू करण्यास प्रेरणा मिळेल.

हिंदु जनजागृती समितीचे श्री. शरथ कुमार यांनी डिसेंबर २०२२ मध्ये मंदिर प्रशासनाला दिले होते निवेदन

वर्ष २०२२ मध्ये समितीने प्रशासनाला दिलेल्या निवेदनात म्हटले होते की, मुरुडेश्वर मंदिरात दर्शनासाठी येणार्‍या भाविकांनी त्यांचा पोशाख मंदिराच्या पवित्र वातावरणाशी सुसंगत असल्याची निश्चिती केली पाहिजे. पाश्चात्त्य किंवा अल्प कपडे परिधान केलेल्या व्यक्तींना प्रवेश देऊ नये. भारतीय पारंपरिक पोशाख परिधान केलेल्यांनाच आत प्रवेश द्यावा.

कर्नाटकात २५० हून अधिक मंदिरांत वस्त्रसंहिता लागू !

श्री. गौडा पुढे म्हणाले की, विविध संघटनांच्या सामूहिक प्रयत्नांचा हा परिणाम आहे. यापूर्वी समितीच्या अशाच आवाहनानंतर हंपीमधील जगप्रसिद्ध विरुपाक्ष मंदिर आणि शृंगेरीमधील शारदांबा मंदिर यांसह कर्नाटकातील २५० हून अधिक मंदिरांनी वस्त्रसंहिता यशस्वीरित्या लागू केली आहे.

नूतन लेख