Gadchiroli Trees Cuttiing : गडचिरोली येथे १ लाख वृक्ष तोडण्यात येणार, आदिवासींचा विरोध !

लोह खाणी उभारण्यासाठी वृक्षतोडीचा निर्णय

गडचिरोली : सरकारने येथे १ लाख वृक्ष तोडण्याची अनुमती दिली आहे. येत्या १५ दिवसांत हे वृक्ष तोडण्यात येतील. सरकारच्या या निर्णयामुळे आदिवासी संतप्त आहेत. येथे लोह खाणी उभारण्यासाठी हा निर्णय घेण्यात आला आहे.

सुरजागड येथे ‘लॉ‌ईड्स मेटल्स’ या आस्थापनाने वाढीव उत्खननासाठी राज्य सरकारकडे अनुमती मागितली होती. केंद्र सरकारच्या पर्यावरण मंत्रालयाच्या तज्ञ समितीने गडचिरोली जिल्ह्यातील या आस्थापनाचे लोह खनिज उत्पादन १० दशलक्ष टन प्रति वर्षावरून २६ दशलक्ष टन प्रति वर्षापर्यंतच्या उत्पादन वाढीला हिरवा कंदील दाखवला आहे; पण या वृक्षतोडीच्या विरोधात मुंबई उच्च न्यायालयाच्या नागपूर खंडपिठात अनेक याचिका प्रविष्ट आहेत.

वृक्षतोडीमुळे ९३७ हेक्टरवरील जंगल नष्ट होणार आहे. स्थानिक पर्यावरण आणि आदिवासींचे जीवनमान यांवर गंभीर परिणाम होणार आहे. या भागातील ५० सहस्रांहून अधिक आदिवासींना विस्थापित व्हावे लागेल.

Stop the Cutting of 1​.​25 Lakh Trees in Gadchiroli – Save Forests, Wildlife, and Tribals