Shirdi Sai Baba Temple Threat Mail :शिर्डी येथील श्री साईबाबा मंदिर ‘पाईप बाँब’ने उडवून देण्याची धमकी !

साई संस्थानला अज्ञाताकडून धमकीचा ई-मेल !

शिर्डी – लाखो भाविकांचे श्रद्धास्थान असणार्‍या शिर्डीतील ‘श्री साईबाबा समाधी मंदिर’ ‘पाईप बाँब’ने उडवून देण्याची धमकी देणारा ई-मेल मिळाला आहे. ३ मे या दिवशी सकाळी अज्ञात व्यक्तीने ई-मेलद्वारे ही धमकी दिली आहे. हा ई-मेल नेमका कुणी पाठवला ? आणि कुठून आला ?, याचा शोध चालू आहे. याविषयी शिर्डी संस्थान आणि शिर्डी पोलीस यांनी अधिक माहिती देण्यास नकार दिला आहे. या प्रकरणी मंदिर सुरक्षा प्रमुख पोलीस उपनिरीक्षक रोहिदास माळी यांनी शिर्डी पोलीस ठाण्यात तक्रार प्रविष्ट (दाखल) केली आहे. या धमकीमुळे भाविकांमध्ये भीतीचे वातावरण निर्माण झाले आहे.

🚨 Shirdi Alert: Shri Saibaba Temple receives bomb threat via anonymous email.

Repeated threats to Hindu temples show a worrying lack of fear toward law enforcement and security forces.

Strict action is a must!#HindusUnderAttack@indiatvnews pic.twitter.com/RuF48jAerG

— Sanatan Prabhat (@SanatanPrabhat) May 4, 2025

श्री साईबाबा समाधी मंदिर परिसरामध्ये सुरक्षा यंत्रणा कडक करण्यात आली आहे. साई संस्थानला यापूर्वीही असे धमकीचे ई-मेल आले होते. त्याच्या अन्वेषणातून ते खोटे असल्याचे निष्पन्न झाले होते. केंद्रीय जलशक्ती मंत्री सी.आर्. पाटील यांनी नुकतेच साई बाबा समाधीचे दर्शन घेतले होते. त्यांनी आतंकवादी आक्रमणाला कसे उत्तर दिले जाणार ? यावर ‘आता केवळ अ‍ॅक्शन (कृती) पहा’, असे सूचक विधान केले होते. हा दौरा झालयानंतर काही घंट्यांमध्ये धमकीचा ई-मेल आला.