७ ते ११ फेब्रुवारी या कालावधीत तानाजी मालुसरे समाधी (उमरठे) ते दुर्ग रायगड धारातीर्थ यात्रेचे (मोहिमेचे) आयोजन !
कोल्‍हापूर, १ फेब्रुवारी (वार्ता.) – श्री शिवप्रतिष्‍ठान हिंदुस्‍थानची वर्ष २०२५ ची धारातीर्थ यात्रा अर्थात् मोहीम ही ७ ते ११ फेब्रुवारी या कालावधीत तानाजी मालुसरे समाधी (उमरठे) ते दुर्ग छत्रपती शिवाजी महाराज यांची समाधी असलेल्‍या दुर्ग रायगड (नरवीर मुरारबाजी देशपांडे समाधीमार्गे) होत आहे. या मोहिमेसाठी ७ फेब्रुवारीला दुपारी १ च्‍या अगोदर उमरठे येथे पोचावे. श्री तुळजाभवानीदेवीच्‍या आरतीने मोहिमेचा प्रारंभ होईल.
श्री शिवप्रतिष्‍ठान हिंदुस्‍थानचे अध्‍यक्ष श्री. रावसाहेब देसाई यांनी दिलेल्‍या प्रसिद्धीपत्रकात म्‍हटले आहे की,…
१. मोहिमेसाठी प्रत्‍येकाने ८ ते १० वेळा पुरेल-टिकेल एवढी शिदोरी, दोन जलकुंभ, पातळ सतरंजी-चादर आणणे आवश्‍यक आहे. प्रत्‍येकाने नेहमीचा वेष आणि भारतीय पद्धतीची पांढरी टोपी घातली पाहिजे, तसेच कानापर्यंत उंचीची काठी आणली पाहिजे. समारोपाच्‍या दिवशी म्‍हणजे ११ फेब्रुवारीला प्रत्‍येकाने ‘भगवा फेटा’ बांधलाच पाहिजे.
२. मोहिमेतील प्रत्‍येक धारकर्‍याने ५० रुपये शुल्‍क भरणे आवश्‍यक आहे.
३. मोहिमेची पूर्वसिद्धता म्‍हणून प्रत्‍येक धारकर्‍याने नित्‍य पळणे, जोर-बैठका, सूर्यनमस्‍कार, असा व्‍यायाम तात्‍काळ चालू करावा, तसेच ‘राजा श्रीशिवछत्रपती’ ग्रंथाचे नित्‍य वाचन चालू करावे.
पीक कर्ज व्याज परताव्यासाठी शेतकर्यांची आंदोलनाची चेतावणी !
पुण्यातील नागरिकांना मीटरने पाणी मिळणार ! – महापालिका आयुक्त
५०० कोटी रुपयांच्या कारागृह घोटाळा प्रकरणी मुख्यमंत्र्यांनी समितीच्या वतीने अन्वेषण करावे !
स्वातंत्र्यवीर सावरकर यांना ‘भारतरत्न’ द्यावा !
भाजपचे आमदार अतुल भातखळकर यांच्याकडून लव्ह जिहादविरोधी अशासकीय विधेयक सादर !
शिवाजी विद्यापिठाचा नामविस्तार झालाच पाहिजे – योगऋषी स्वामी रामदेवबाबा