मुंबईत अल्पवयीन मुलीवर लैंगिक अत्याचार करणार्‍या वृद्धाला अटक !

मुंबई – धारावी येथे १५ वर्षीय मुलीला चाकूचा धाक दाखवून लैंगिक अत्याचार करणार्‍या ६० वर्षीय व्यक्तीला पोलिसांनी अटक केली आहे. पॉक्सोच्या अंतर्गत या व्यक्तीवर गुन्हा नोंदवण्यात आला आहे.

१७ सप्टेंबर या दिवशी घरातील सर्व मंडळी श्री गणेशमूर्ती विसर्जनाला गेले असतांना अत्याचारी व्यक्तीने तोंडावर मास्क घालून अल्पवयीन मुलीच्या घरात प्रवेश करून तिला चाकूचा धाक दाखवून तिच्यावर अत्याचार केला. झालेल्या प्रकाराची कुठे वाच्यता केल्यास तिच्या अंगावर ॲसिड फेकण्याची धमकी त्याने मुलीला दिली. पालक विसर्जन मिरवणुकीतून आल्यावर मुलीने झालेला प्रकार त्यांना सांगितला. त्यानंतर मुलीच्या पालकांनी धारावी पोलीस ठाण्यात वृद्धाच्या विरोधात तक्रार नोंदवली. पीडित मुलीने अत्याचार करणार्‍या व्यक्तीला ओळखले आहे.