प.पू. संतोष कोळी तथा बाळ महाराज यांना पाकिस्तानमधून धमकी आल्याप्रकरणी त्यांना संरक्षण द्या ! – अखिल भारत हिंदु महासभा

कोल्हापूर, ४ सप्टेंबर (वार्ता.) – इचलकरंजी येथील प्रखर हिंदुत्वनिष्ठ प.पू. संतोष कोळी तथा बाळ महाराज यांना पाकिस्तानमधून ‘सर तन से जुदा कर देंगे’, अशी धमकी देण्यात आली आहे. तरी या प्रकरणी प्रशासनाने सखोल अन्वेषण करून संबंधितांवर गुन्हा नोंद करावा आणि प्रशासनाने महाराजांना संरक्षण द्यावे, या मागणीचे निवेदन अखिल भारत हिंदु महासभा यांच्या वतीने कोल्हापूर जिल्हाधिकारी यांना देण्यात आले. हे निवेदन नायब तहसीलदार नम्रता चौगुले यांनी स्वीकारले.

या प्रसंगी अखिल भारत हिंदु महासभेचे जिल्हाध्यक्ष श्री. संदीप सासने, उपाध्यक्ष श्री. विकास जाधव, महिला आघाडी अध्यक्षा श्रीमती शीला माने, श्री. राजेंद्र तोरस्कर, सकल हिंदु समाजाचे श्री. अभिजित पाटील, ‘महाराज प्रतिष्ठान’चे संस्थापक श्री. निरंजन शिंदे, ‘मराठा तितुका मेळवावा’चे श्री. योगेश केरकर, हिंदु जनजागृती समितीचे श्री. शिवानंद स्वामी, श्री. विश्वास पाटील यांसह अन्य उपस्थित होते.