भांडण सोडवण्यासाठी आलेल्या महिला सैनिकाला महिलेने विमानात केली मारहाण !

पुणे – येथून नवी देहली येथे जाणार्‍या विमानात महिला प्रवाशाने जागेवर दुसरा प्रवासी बसल्याच्या कारणावरून ‘सी.आय.एस्.एफ्.’च्या (‘केंद्रीय औद्योगिक सुरक्षा दला’च्या) महिलेला मारहाण केली. यामुळे महिला सैनिकाच्या हाताला दुखापत झाली.

पुणे विमानतळावर ही घटना घडली. या प्रकरणी सुरेखा सिंह हिच्यावर विमानतळ पोलीस ठाण्यात गुन्हा नोंद केला आहे. संबंधित प्रवासी विमानातून उतरत नाही, तोपर्यंत विमानाचे उड्डाण न करण्याचा निर्णय वैमानिकांनी घेतल्याने विमानाच्या उडाणाला विलंब झाला.