संतप्त पालकांकडून शाळा बंद करण्याची आंदोलनाद्वारे मागणी !

नालासोपारा – येथील यादवेश विकास इंग्रजी माध्यमाच्या शाळेत १४ वर्षांच्या विद्यार्थिनीवर शाळेतील शिक्षकाकडून लैंगिक अत्याचार करण्यात आले. या प्रकरणी १३ ऑगस्ट या दिवशी संतप्त पालकांनी शाळेबाहेर उग्र आंदोलन करून शाळा बंद करण्याची मागणी केली. शाळेत अनेक मुलींसह शिक्षिकांचेही लैंगिक शोषण झाल्याचा आरोप पीडित मुलीच्या भावाने केला आहे. शिक्षक अमित दुबे (वय ३० वर्षे) याने या मुलीवर सतत ५ महिने अत्याचार केले. तो शाळा आणि शिकवणीवर्गात तिच्यावर बलात्कार करत होता. पोलिसांनी त्याला अटक केली आहे.