छेडछाडीच्या त्रासाला कंटाळून अल्पवयीन मुलीची आत्महत्या

सातारा, १८ जुलै (वार्ता.) – शाहूपुरी येथे १० जुलै या दिवशी अल्पवयीन मुलीने आत्महत्या केली होती. याविषयी मृत मुलीच्या भावाने शाहूपुरी पोलीस ठाण्यात तक्रार दिली होती.

१ एप्रिल ते १० जुलै या कालावधीमध्ये संशयित सुभाष शिंदे (वय ४२ वर्षे) हा अल्पवयीन मुलीला भ्रमणभाषवर वारंवार संदेश पाठवून त्रास देत होता. तिचा पाठलाग करत होता. संदेशाला उत्तर दिले नाही, तर ‘तो संदेश तुझ्या मित्रांना दाखवीन’, अशी धमकी त्याने मुलीला दिली होती. वारंवार मानसिक त्रास देत संशयित १-२ वेळा घरीही येऊन गेला होता. त्यामुळे मुलीने त्रासाला कंटाळून रहात्या घरी पंख्याला गळफास लावून आत्महत्या केली.